అమ్మకు ఎందుకో క్షయ వ్యాధి సోకింది ఏలూరిలోనే..ఇక్కడ చెన్నై వచ్చాక అమ్మ దానికి తగిన మందులు వాడుతూ ఉంది..అక్కకూ నాకు కూడా ఊహా తెలియని వయసు అప్పుడు. రాత్రయితే అమ్మను గట్టిగా కావలించి పడుకొనే వాళ్లం ఇద్దరం.
అదే సమయానికి ఊరి నుండి మా పెద్దమ్మ వచ్చింది.అప్పుడు ఆమే నన్ను చూసి ఇక్కడే వాడు ఇలా మీతో ఉండి పోతే వాడికి చదువు సంధ్యా అబ్బవు, వాణ్ణి నాతో పాటు ఊరికి తీసుకొనిపోయి చదివిస్తాను అంది. అసలు మా పెద్దమ్మకు అలా చెయ్యమని చెప్పిందే మా చిన్న అన్న్నయ్య శివ.అటుపిమ్మట అక్కేమో అమ్మ దగ్గరా, నేనేమో మా పెద్దమ్మ వాళ్ల్లింట్లో పెరిగాను. అమ్మ నెలకు నాకయ్యే ఖర్చులకి డబ్బులు పంపేది. నేను అక్కడే ఉండి చదవ నారంభించాను. అమ్మ క్షయ వ్యాధికి మందులు వాడడంతో నెమ్మదిగా తగ్గుముఖం పట్టింది. చిన్న వయసు ఏమో అమ్మని వదిలి ఉండడనికి మనసు ఎందుకో రోదించేది.అమ్మను వదిలి నేను తిరిగి పాయకరావ్ పేట వెల్లేటప్పటికి ఓ 8 ఏళ్లు ఉండవచ్చు బహుశ.
No comments:
Post a Comment