పాయకరావుపేట పాఠశాల

ఇది ఇప్పటి  మా  బడి ..2009 లో పాయకరావు పేట  వచ్చినపుడు  తీసిన  చిత్రం . చిన్నప్పటి  నుండి  బాగా చదవడంతో అందరూ  నాతో బాగా  కలుపుగోలుగా  ఉండేవారు . మా శివ  అన్నయ్య  నన్ను ఇందులో చేర్పించారు.
వెనుక భాగం చాలా ఖాళీ స్థలం  ఉండేది . అందరం ఇంటర్వెల్ లో ఆడుకొనేవాళ్లం. మధ్యాహ్నం  ఓ 3 గంటలకు  బడి ముగిసేది. బడి ముగియగానే స్నేహితులమంతా  కలిసి  ఆడుకొని ఇంటికి వెళ్ళేవాళ్ళం . అప్పుడు మాకు క్రికెట్ పెద్దగా తెలియదు. మేమంతా కలిసి గూటి బిళ్ల, ఏడు పెంకులు, వీపుసాపులు  ఆడేవాళ్లం. నేను చిన్నపుడు చాలా లావుగా బొద్దుగా ఉండడంతో అందరూ నన్ను ఆట pఅట్టించేవారు. క్లాసులో టీచర్లు  లేనపుడు అంతా  పుస్తకాలలోకాగితాలు పెట్టి అడుకోనేవాళ్ళం . నేను క్లాసు లీడరుగా  ఉండేవాణ్ణి. భలే సరదా సరదాగా సాగిపోయిది బాల్యపు  జీవితం .


చిన్నపుడు అన్ని చేసేవాణ్ణి. అల్లరి చెయ్యడం,చదవడం, చిన్నపుడే క్లాసులో అమ్మాయిలను ఆటపట్టించడం అన్ని చేసేవాణ్ణి.
ఒకసారి అయితే ఆ వయసులోనే లవ్ లెటర్ రాసి కింద మా ఫ్రెండు పూర్ణాగాడి పేరు రాసి వాడు ఇచ్చాడు అని ఒక అమ్మాయికి ఇచ్చి రియక్షన్ ఎలా ఉంటుంది అని చూసా.. పాపం బడికి వచ్చి రాగానే అమ్మాయిలంతా వాడిని చిదక బాధారు పాపం..

అలాగే ఒకసారి ఉదయం ప్రార్ధన జరిగేటప్పుడు ఎవ్వరు ప్రతిజ్ఞ చెప్పేందుకు  ముందుకు రాలేదు. అప్పుడు మా హెడ్ మాస్టారు మీలో ధైర్యంగా  చెప్పే మగాడెలేడా అన్నారు.అందుకు నేను పెద్ద పుడింగిలా వెళ్లి ప్రతిజ్ఞ చెప్పాను.అది తలచుకుంటే ఇప్పటికి నవ్వు వస్తుంది.

ఇంకోసారి అయితే మా ఫ్రెండు తమ్ముణ్ణి ఒకడు కొట్టడని నాతో చెప్పగా నేనేదొ పెద్ద ఇదిలా వాణ్ణి చిదక బాదాను. అంటే ఆ వయసులోనే నేనొక గ్యాంగ్ నే మెయింటెన్ చేశాను.


ఒకసారి మా సుధాకర్ మాస్టారు అమెరికాలో ఉన్న వాళ్ల అక్క కూతురు ఒక అమ్మాయిని బడికి తీసుకువచ్చాడు.ఆ అమ్మాయి కొన్ని ఫజిల్స్ ఇచ్చి బోర్డులో రాయమంటే అంతా తలలు పట్టుకున్నారు..నేను వెళ్లి వాటిని పూర్తి చేసాను.. దానితో ఆ అమ్మాయి చెయ్యి పట్టుకొని  యు ఆర్ ది విన్నర్ అని అంది.. బడి ముగియగానే ఫ్రెండ్స్ అంతా పర్వాలేదే ఆ అమ్మాయి  చెయి  అందుకున్నావు అన్నారు..ఇది అంతా నేను 4 క్లాస్ చదివేటప్పుడే జరిగింది.

ఎన్నెన్నో చిలిపి పనులు చిన్న  చిన్న తగాదాలు  ఎంతో ఆనందంగా గడిచిపోయింది. జీవితం